أكو صدمة ما تجيك بصوت عالي ولا بمشهد واضح، أكو صدمة تجيك بهدوء، لما تكتشف إن الشخص اللي كنت تعتبره أمانك كان سبب قلقك، لما تفهم متأخر إنك كنت تبرر للناس أكثر مما هم يستاهلون، لما تتذكر مواقف قديمة وتقول شلون ما انتبهت، شلون رضيت، شلون خليت نفسي بهالمكان، أنا ما عندي مشكلة مع الماضي لأنه خلص، عندي مشكلة ويا أثره اللي بعده عايش بيه، أحياناً ردّة فعلي اليوم تكون أكبر من الموقف لأن الموقف لمس جرح قديم، الناس تشوفني حساس وأنا أشوف نفسي واحد اتأذى وساكت هواي، مو كل ضعف بكاء، أحياناً الضعف إنك تضحك وتكمل وانت من الداخل كلشي بيك يريد يوقف، وأنا تعبت من فكرة إني لازم أشرح لكل شخص ليش أنا صرت حذر وبارد شوي.