أنا دايم نقول ما يهمني كلام الناس، بصح الحقيقة كلامهم يسكن في راسي أكثر من كلامي أنا، نلبس على ذوقهم، نحكي بطريقة تعجبهم، نختار حتى الصور اللي نحطها باش ما يضحكوش، وكي نكون وحدي نكره روحي لأنو حياتي ولات استفتاء مفتوح، كل واحد عندو صوت فيها إلا أنا، والمصيبة إني ننتقد الناس اللي عايشين للمظاهر وأنا أول واحد منهم، نضحك على اللي يتصنعو وأنا نصنع نسخة مني كل صباح، نسخة مقبولة، مهذبة، ناجحة، ما فيها لا خوف لا نقص لا غيرة، وكي يجي الليل ترجع النسخة الحقيقية تطالع فيا وتقوللي: شكون أنت اصلا.