انا طول عمري كنت حاسس اني مختلف شوي عن باقي الشباب اللي حوالي، من وانا مراهق بلاحظ انو نظراتي ما كانت تروح للبنات زي ما الكل بيحكي ويتفاخر، بالعكس كنت بلاقي قلبي بدق لما اشوف شاب وسيم أو ابتسامة ولد حلو بالمدرسة، حاولت اكذب على نفسي سنين واقنع حالي انو فترة وبتعدي، جربت حتى ادخل بعلاقات مع بنات بس كنت حاسس دايم انو في شي ناقص وما بكون مرتاح، وكل مرة برجع اكتشف انو ميولي مو زيهم، وهاد الشي خلاني اعيش صراع داخلي طويل بين خوفي من المجتمع واهلي وبين رغبتي اني اكون صادق مع نفسي، يمكن اكتر اشي بيتعبني اني بعرف لو يوم حد اكتشف، حياتي كلها ممكن تتقلب راس على عقب، فصرت امثل دور الشخص العادي قدام الكل لكن جواتي في حكاية تانية ما حدا بيعرفها.