انا من وانا صغير عندي هوس غريب ما لقيتلو تفسير، اي شي فيه خراب او كارثة او موت جماعي بحسني منبسط ومرتاح، يعني لما بسمع خبر زلزال راح ضحيتو آلاف، ما بتأثر ولا بعيط مثل العالم العاديين بالعكس، بحس بدفى جواتي وكأني عم اشوف فلم اكشن عايش تفاصيلو، واذا شفت صور بنايات واقعة والناس مطحونين تحت الردم بوقف عند الصور وبظل اتأملها وما بمل، مرات برجع بشوفها اكتر من مرة وكأني عم اشوف شي مفرح، وكنت بالمدرسة لما يعطونا درس عن كوارث صارت بالتاريخ مثل هيروشيما او تسونامي، كل الطلاب كانو ينصدمو ويسكتو وانا جواي كان في شعور نشوة، حتى بطلع ابتسامة صغيرة غصب عني.
بذكر وقت صار حادثة طيارة كبيرة من كم سنة، العالم كلو كان عم يترحم ويتعاطف وانا فاتح التلفزيون مبسوط بالصور وعم بتخيل صراخ الركاب قبل ما الطيارة توقع، بتهيالي كنت الوحيد اللي مستمتع بالخبر، وبعدها حسيت اني مش طبيعي، بس ما قدرت اوقف الاحساس، بالعكس اتأكدت اني ماشي بطريق ما حدا رح يفهمني.
حتى لما يكون في حرب او قصف او تفجير، انا بظل سهران على القنوات الاخبارية متابع كل لقطة، بشوف الدم والجثث كأني عم بشوف لوحة فنية، مابعرف ليش عقلي بيترجم الخراب للجمال، يمكن لاني بحس انو العالم ما بستاهل يعيش بسلام، او يمكن لانو جواي في شي مظلم محتاج يشوف ناس غيري عم يتعذبو ليحس براحة.
مرات بكون قاعد مع اصدقائي بيحكو عن حادثة حزينة وبيصيرو يبكوا، انا بتصنع الحزن قدامهم وبمثل انو مأثر فيني، بس اول ما ارجع عالبيت بفتح النت وبصير ادور عالفيديوهات واللقطات اللي فيها دمار اكتر وتفاصيل ابشع، وبنام مرتاح بعد ما بشبع عيوني.
كل مرة بقول لحالي يمكن فيني خلل نفسي كبير، بس ولا مرة حسيت بالذنب، بالعكس مرات بفكر لو كنت انا السبب بدمار كبير يمكن كنت حسيت بفخر، يمكن هذا هو الشي اللي بيعطيني احساس اني عايش، انو شوف العالم عم ينهار من حولي وانا واقف بارد وما بتأثر.