بدي اعترف بشي يمكن يثير الدنيا عليّ، بس انا عنجد ما بعد بحب فكرة انو الأخ لازم يكون وصي على اخته، يعني من وين اجت هاي القاعدة؟ ليش دايمًا لازم نسمع “عيب عليكي، اخوكي موجود”، او “ما تطلعي إلا بإذن أخوكي”، طيب هي مش إنسانة راشدة؟ ليش دايمًا لازم يحسوها ناقصة و محتاجة إذن حتى تتنفس؟ في شباب ما بعرفو حتى يسيطرو على حياتهم، بس لما يصيرو “إخوان” فجأة بصيرو وزراء داخلية على أخواتهم. بحكيها بصراحة، هاي السيطرة مش رجولة، هاي نقص، و كأنهم بحاولو يثبتو قيمتهم من خلال تحكمهم ببنت. أنا مش ضد الغيرة ولا الحماية، بس ضد التملك، ضد الفكرة اللي بتربينا عليها انو البنت دايمًا لازم تكون “تابعة” لحدا، مرة لأبوها و مرة لأخوها و بعدين لزوجها، طب متى بتكون لحالها؟ متى بتصير إلها كلمة مسموعة مو مشروطة؟ يمكن أكتر شي بخوف الناس هو البنت الحرة، مش لأنها خطر، بل لأنها بتكسر السلسلة اللي حافظينها من أجيال.