قبل فتره كنت طالع من شغلي متأخر ومرهق، وقررت أمشي شوي عالبحر يمكن يخف الضغط، وانا قاعد هناك اجت بنت غريبه، شكلها كانت زعلانه او باكيه، جلست جنبي بدون حتى ما تحكي، بعدين بلّشت تفضفض كأنها تعرفني من سنين، حكت عن خيانة، عن وجع، عن امها اللي ما بتحس فيها، وانا كنت اسمع بس، ما سألتها حتى عن اسمها، حسّيت اني صرت جزء من حكايتها الغريبه، بعد شوي راحت بدون ما تطلع بوجهي، وانا ضليت مكاني يمكن نص ساعه عم بفكر ليش كل شي غريب بحياتي بصير فجأه وبيخلص فجأه، حتى الناس العابرين بحياتي بحسهم يتركو اثر أعمق من المقربين، يمكن لاني نفسي ما بعرف شو بدي من الناس ولا شو همّ بدهم مني، بس الغريب اني من وقتها كل ما بشوف البحر بحسها بعدّها قاعده هناك وبتحكي لنفسها بنفس الطريقة.