والله انا ما بعرف شو فيني، كل سنة بقول هالمرة رح التزم، رح اصلي كل يوم وما افوت ولا فرض، ورح اكون قريب من ربي متل الناس اللي بشوفهم مرتاحين بصلاتهم، بس بعد كم يوم بفلت، يعني بصلي يومين تلاتة، وبعدين فجأة بلاقي حالي رجعت متكاسل، بحكي بكرة، بعدين، لحد ما تصير جمعة ورا جمعة وأنا ولا ركعة، وبرمضان نفس القصة، ببدأ حماس وبنية طيبة، بصوم أول يومين يمكن تلاتة، وبعدين بفطر يوم بحجة صداع أو شغل أو نسيان، وبعدها بتصير الحجة عادة وبكمل الشهر كلو مفطر، وكل مرة بوعد حالي اني ببلش صح وبدعي انه ربي يهديني، بس ما بعرف شو اللي بيصير، بحس فيني ضعف غريب، مو كسل بس كأني مخنوق، قلبي بيحس بالذنب بس جسمي ما بيتحرك، كل مرة بقول يمكن الشيطان، ويمكن انا اللي ما عندي إرادة، وبالليل قبل ما نام بيجيني ندم غريب، بضل افكر لو متت اليوم شو رح يكون وضعي؟ بعدين الصبح بنسى وبرجع نفس النمط، مرات بحاول اكون ملتزم شوي شوي، بس حتى الخطوة الصغيرة بتصير ثقيلة، الناس بتشوفني طبيعي بس انا جواتي حرب، بين رغبة اني اكون قريب من ربي وبين نفسي اللي ما بتساعدني، يمكن محتاج اصاحب ناس ملتزمة، يمكن محتاج اقطع عن كل شي يشغلني، بس لحد هاللحظة بحس اني واقف بنص الطريق، لا انا ملتزم ولا تارك، وتعبت من هالدوامة اللي كل سنة تتكرر بنفس الطريقة.