بصراحة انا مش عارف ليه دايمًا بحس اني مش مكاني بأي مكان، يعني بدخل شغل بحس غريب، بكون مع الناس بحس اني برضو غريب، حتى بين اهلي في لحظات بحس اني ضيف مش فرد منهم، مو لاني متكبر ولا حساس زيادة بس في شي جواتي بيقولي اني مو من هون، كأني دايمًا بدور على راحتي ومش لاقيها، بحاول اقنع نفسي انو طبيعي الشعور بس لما يستمر معك سنين بصير يوجع، بحكي مع نفسي ساعات عن كل شي، بحاول افهم ليه كل الناس بتلاقي مكانها بسهولة وأنا لأ، ليه كل ما احس اني بلشت أرتاح بصير شي يخرب كل الهدوء اللي بحاول أعيشه، بصير بتهرب من المواقف، بتضحك قدام الناس وبتنطفي لحالك، بتحاول تبين قوي بس جواتك في تعب مو طبيعي، بتحس الكل ما بفهمك مع انك بتفهم الكل، وبتسمع الكل وبتحاول تكون السند، بس ما حدا شافك يوم لما كنت محتاج نفس السند، بتحس انه في شي ناقص بس ما بتعرف شو هو، بتحاول تمشي وتعيش وتلهي نفسك بكل شي، شغل، تلفون، طلعات، بس في آخر اليوم لما توصل على سريرك وترجع لحالك بتحس انك فاضي فاضي، وكأنك عم تمثل حياتك كل يوم بدون هدف حقيقي.