انا بعترف اهو
اني انا الشخص السيء في رواية/ معاملة/ شغل/ كلام عادي/ رد فعل -حتى لو كان طبيعي او حقي-
محدش يتضايق ياجماعة انا اللي بقولكم اهو، تمام؟
حتى لو انتم بتتصرفوا نفس تصرفاتي بس في الحالة دي هتبقى القدرة الهائلة ع الفصل وإن كل موقف عارفين تدوله حقه وقمة ال perfectionism طبعا
مش تريقة والله بس هي الناس اللي بتشوف كدة فعلا فأكيد مش كل دول غلط وانا اللي صح!
محدش مشخصنها معايا ولا حاجة ياجماعة وانا مش شجرة مزهرة ولا حاجة فده مش تحديف طوب عليا .. لا خالص
انتو صح.

بعد الاعتراف ده معلش لو مافيهاش إساءة أدب أي حد عنده تعليق سلبي عليا، الله يكرمه والنبي يارب يدخل الجنة مايقولهولي
مش عشان انا جامدة تنين
لا خالص
عشان انا التعليقات السلبية خلاص ياجماعة انا ماشية بدلدق فيها مش عارفة اوديها فين تاني والله
خلاص ال judgement اللي أي حد قرره عني هو أكيد مظبوط
انا الشخص ال aggressive اللي كله كلامه غلط اللي معداش عليها كلمة professionalism ولا شافتها من بعيد
إن شاءالله في يوم الأيام ابقى شاطرة زيكم