انا بعترف ان دي مش افضل ايامي الي المفروض اي شاب عادي خالص يكون في المرحله دي بيقضي فتره عاديه مالوش اي متطلبات غير انه يكون ملتزم بربنا ملتزم بشغل ملتزم في حياته يلاقي حد في طريقه يكون مصدر سكينة وامان يدفعه للطرق المناسبه يكون مصدر قوته حتى لو ب كلمة واحده طيبه يبقا في دافع ان الإنسان يحاول ويجاهد انه يطلع من نفسه افضل نسخه يقدر يتعايش بيها متزن غير مشوش …
لكن انا دلوقتي شايف احوال ناس كتير اكترهم شباب اصغر واكبر مني سنآ حالهم مش بخير شايف وحاسس بكمية طاقة سلبيه باينه في وشوش الناس طاقة غريبه وتقيله على قلوبنا وقلوبهم وجواهم حرفيآ الله يعلم بحالهم واحوالهم انا مش فاهم الفترة دي فترة صعبه ولا دا طبيعي واحنا الي غلط مش مستوعب حاجه حواليا غير ان كل واحد فينا في دوامه بيحاول ينقذ نفسه وروحه علشان يقدر يحقق لنفسه مجرد حياة هاديه في آخر يومه ويقعد في هدوء وبس ،
مهما كنت مش متزن ومش في افضل حالاتك حاول تكون راضي وادعي ربنا دايما انه يستخدمك ،
يارب استخدمني وارضني وأرضى عني وراضي قلبي ونفسي واصلحني وهون علي مالا يعلمه سواك ونفسي .