أنا كنت متجوز وحدة، كانت قايمة بشغل البيت والولاد وأهلي، بعترف ما قصرت من هالناحية… بس كانت مهمِلة حالها كثير، ولا مهتمة فيّ كزوج، لا بالكلام ولا بالمشاعر، وكنت حاس حالي لحالي بالبيت.

مع الوقت اتعلّقت بزميلة إلي بالشغل، وارتبطنا، وكنت ناوي أتجوزها…

مرتي عرفت، طلبت الطلاق واخذت الولاد وتركت البيت.

الناس حولي حكولي عادي بترجع بعد فترة، هيك النسوان اولها بزعلو بعدين برجعو لبيتهم

بس تفاجأت إنها رافعة عليّ خُلع، وربحت القضية!

ما فرقت معي وقتها وتزوجت زميلتي، وفعليًا شفت أيام حلوة معها…

بس بعد فترة رجعت لطليقتي أحاول أرجّعها رفضت تمامًا.

قلت إلها خلينا نخلّي موضوع النفقة ودي، وأنا بهتم بولادي وبصرف عليهم من غير محاكم،

قالتلي اليوم بوديلك ولادك واصرف عليهم براحتك،

أنا خطبت وعرسي قرب وفعلا ودت الولاد

هسا المشكلة مرّتي الحالية بتقولي أنا مش مجبورة بخدمة لا أهلك ولا ولادك، هدول مسؤوليتك.

حتى الأكل، الولاد بيستنّوني لما أرجع من الشغل عشان أطعميهم،

ولما حكيت أجيب مساعدة تساعد بدها مبلغ وقدره ومابقدر!

والوقت مش مكفيني كل إشي عليّ، لا مرتي بدها تساعد، ولا بقدر أتجوز غيرها بسبب ظروفي المادية…

أبوي وأمي كبار بالسن بدهم رعاية وولادي صغار (٥ و٤ سنين) وبدهم رعاية طول الوقت.

مش عارف شو اسوي حسبي الله ونعم الوكيل بس

اعطوني حل