أنا مدمن مخدرات... مو من النوع اللي بيمشي بالشارع مبين عليه، لأ، لبسي مرتب، شغلي منيح، وابتسامتي جاهزة دايمًا. بس جوّاتي في حرب ما حدا بيعرفها.

بلّشت القصة بسجارة حشيش مع رفقة السوء، بعدين صارت حبوب، وبعدين... الله وحده بيعرف شو دخلت بجسمي. كل شي كان بهدف الهروب، الهروب من ضغط، من هم، من شعور ما كنت قادر فسّرو.

المشكلة؟ إني حبيت الإحساس. حبيت كيف بياخدني من واقعي، كيف بينسّيني وجعي، كيف بيخليني بارد، مرتاح، طافي. بس ما كنت بعرف إنو راح آخسر أكتر بكتير من وجعي... خسرت احترامي لنفسي، ثقة أهلي، حتى وجهي بالمراية ما عاد أطيق شوفه.

كل يوم بوعد حالي إني أترك، وبالفعل بترك... ليوم، ليومين، وبس شي بسيط بيعكرلي مزاجي، برجع أدور عالجرعة.

أنا مدمن، بس ما بدي موت هيك. بدي أرجع، بدي نظف روحي قبل جسمي. بس الطريق طويل، وقلبي مليان خوف... إني ما أقدر.