أنا إنسان ملتزم، بصلي، بصوم، وبحاول قد ما أقدر أكون قريب من ربّي. الناس بتشوفني مثال يُحتذى، بس الحقيقة؟ أنا من جوّا عايش صراع ما بيني وبيني.

أوقات وأنا ساجد، يمرق براسي صوت بيقلي: "طيب ليش؟ مين قال إنو في شي بعد الموت؟"، وأوقات وأنا بقرأ القرآن، بصير أتساءل: "ليش هيك؟ ليش مو بطريقة تانية؟".

بخاف من هالأفكار، بخاف إني أكون عم أكفر، بخاف من نظرة ربّي إلي، بس كمان ما بقدر أوقفها... بتجي لحالها، فجأة، وبقعد أقاتلها براسي كأني عم قاتل شيطان عم يتمسّك بقلبي.

أنا ما بدي أكون هيك، والله العظيم بحب ديني، بس عقلي ما بيرحم... وكل ما حاولت أفتح قلبي لحدا، خفت، خفت يقولوا عني كافر، خفت يخسروني.

أنا مو ملحد... بس فكري، تعبان، متخبط، وأنا كل ليلة بدعي: "يا رب، لا تخليني لحالي".