انا بنت و بصراحه بدي اعترف باشي مخزي شوي.. انا بغار من كل بنت متجوزه، يعني مش بس غيرة عاديه، غيرة بتحرقني من جوا، لما اشوف حدا لابس دبله او منزل صورته مع جوزها او حتى حاطه ستوري انه جوزها جابلها ورد، قلبي بينقلب و وجهي ببتسم كأنو شي عادي بس جواي في زوبعه عم تهزني.. مرات بدعي على كل وحده متجوزه انه يخرب بيتها او ينفصلو، وبستغفر بعدين وبلعن حالي، بس ما بقدر امنع حالي من الشعور هاد، غصب عني... بحاول دايمًا اظهر اني مبسوطه الهم وببارك وبضحك بس بيني وبين حالي بتمنى اشوفهم وهمه بعيطو وبنفصلو، صرت حتى لما اشوف مسلسل فيه اثنين بحبو بعض، بنقرف، قلبي بيدق دقات كراهيه، ما بحب اشوفهم مبسوطين، كأنو فيني مرض، كأنو في شي جواتي بيكره الحب والزواج وكلشي اسمه علاقه... مره كنت قاعدة مع رفيقتي وفتحتلي صور كتب كتابها، وانا عم بشوف الصور قلبي عم يطق، وما قدرت اتحمل، حكيتلها عادي يعني، انتي مستعجله عالزواج؟ يعني شو ناقصك؟ مو الكل بيندم بعد الزواج؟ كانت تنظرلي مستغربه وانا فجأه غيرت الموضوع وبلشت احكي عن فسخ خطوبه بنت خالتي بس عشان اغيّر المود... ومن وقتها صرت اتجنب اي حكي عن الحب والزواج، وبحط ماسكات وبضحك مع الكل، بس جواتي فيني وحش... وحش غيور مابيعرف يفرح لحدا