انا من المغرب وكنبغي نعترف بشي حاجة ديما كنت كنكتمها فقلبي ومابغيت حتى حد يعرفها، انا كنكره مرت باه كره مايتصورش، كنحس دمي كيغلي غير كنشوف وجهها، ماشي حيت دارت ليا شي حاجة كبيرة، ولكن من النهار دخلات حياتنا تبدلات كلشي، باه ولا ماكيهدرش معانا كيف قبل،

ولا كيسمع غير لها، كتحرضو علينا بحال احنا خدامين عندها، كتتحكم فكل صغيرة وكبيرة فدارنا وحتى فالأكل كنحسها كتعمر طنجرة غير باش ترضى راسها وولادها، وكنبقا انا كنشوف وكنبلع، وكنضحك مجاملة ولكن فداخلي غير سم، مرة شدتني كنسمع أغاني فالتليفون وقالت لباه "شوف بنتك كدير،

غادي تخرج على الطريق"، ومن داك النهار بدى يعاملني بحال غريبة، بحال ماشي بنتو، كلشي تبدل، حياتي وولات جحيم، وبقيت كندعي عليها فكل صلاة، وبكنبكي فليل غير باش الله ينصفني، مره كنت مريضة بزاف ومقدرتش نعاون فشغل الدار، دخلات عندي لبيتي وقالتلي "المرض ماشي عذر،

خاص البنت تكون نايضة ديما، راجلي ماعندو بنت كسلانة"، بكيت نهارها وقلت فقلبي "نهار تبعد علينا غادي نعيد"، كرهتها لدرجة كنفكر نمشي نعيش مع خالتي ولا غير نهرب، حيت ماقدرتش نصبر كثر...