انا كنت احب ابن خالتي حب مو طبيعي، كنا نلعب سوا من احنا صغار وكنت احس دايم انو في شي بينا، بس ولا مره حكالي شي، وبصراحه انا اللي كنت اتقرب منه، حتى مرات كنت اتحجج اروح لعندهم بس عشان اشوفه، ولما كبرت شوي وبلشنا نكبر وعيال العيله صاروا يلاحظو، قالولي استحي ع حالك انتي بنت وهو ولد! فصرت اتجنبه بس وانا موجوعه، بعد كم سنه سمعت انه خطب بنت ثانيه، حسيت الارض تهاوت تحت رجولي، وبكيت يمكن اسبوعين من دون توقف، بعديها بشهرين خطبت لاول عريس اجا وقلت بس عشان انسى، واليوم انا متزوجه ومعي طفل، بس كل ما شفت ابن خالتي بعرس او مناسبه قلبي بينخز، وبسأل حالي لو كنا لبعض كان شو صار؟ مع انو حياتي مستقره، بس قلبي لسه مو راضي ينسى...