في شي ما بحكيه لحدا، بس أنا عندي جانب مظلم بحاول دايمًا أخبيه و ألبسه لبس “البنت الهادية المؤدبة”، بس الحقيقة غير هيك، في لحظات بكون لحالي بحس برغبات غريبة، بأشياء يمكن ما تنحكى، أشياء بتخليني أستغرب من نفسي.

ما بحكي عن حب ولا عن عاطفة، بحكي عن رغبة بالتحكم، بالإغواء، باللعب بالعقول، يمكن لأني طول حياتي كنت البنت اللي لازم تكون مثالية، اللي ما تغلط، اللي تخاف من “كلام الناس”، فصرت أعيش وجهين: وجه قدام الكل، ووجه ما بطلع إلا لما الباب يتسكر. يمكن بحب الإحساس بالقوة لما بحس اني قادرة أخلّي الشخص اللي قدامي يضيع بكلمة، أو نظرة، بحب أشوفه يتوتر، يفقد توازنه، وأنا أبقى هادية، كأنو اللعبة بإيدي.

الغريب إنو ما بحب أكمّل للنهاية، يمكن لأني بخاف من نفسي، من اللي ممكن أعمله لو تركت حالي، بس كل مرة بحس نفس الشعور، نفس الفضول، نفس الشرارة اللي بتخوفني قد ما بتغويني.