بكره مواقع التواصل كلها بلا استثناء لانها عالم مزيف يلمع من برا ويعفن من جوه، كلهم لابسين اقنعة وممثلين على بعض، يضحكو بالبوست ويغتابو بالخاص، يدّعو المثالية وهم اول ناس يخونو ويكذبو، يعرضو حياتهم كأنها اعلان شامبو وورا الكاميرا خراب بيوت وقلوب مكسورة، كل واحد عامل نفسه واعظ وهو ما يطبق نص كلمة، كل وحدة تنزل حكم عن الكرامة وهي مستعدة تبيع كرامتها لايك، كل واحد يحكي عن النجاح وهو غارق ديون وحقد، صارت الصداقة متابعة والاخلاق فلتر، وصار الانسان يقيس قيمته بعدد المشاهدات مو بعدد المواقف، شفت ناس تنهار نفسيا بس حتى الانهيار لازم يكون مرتب وقابل للنشر، الحزن لازم يكون جمالي والفرح لازم يكون مبالغ، واذا ما تشارك حياتك يقولولك مختفي واذا شاركتها يقولولك استعراضي، الكل يراقب الكل وينتظر زلّة حتى يشمت، نفاق جماعي مغلف بكلمات تحفيزية فاضية، ضحك مزيف، دموع تمثيل، ووجوه تتبدل حسب الترند، تعلمنا نكذب بدون ما نحس ونحكم بدون ما نعرف ونكره بدون سبب، حتى القضايا الانسانية صارت موسمية، يتذكروها بس وقت الترند وبعدين يرموها كأنها ما كانت، بكره كيف خلت الناس تحس انها قليلة لو ما انشهرت، وكيف سرقت الخصوصية وباعت الوهم، خلتنا نعيش للعرض مو للحقيقة، نكتب اللي يعجب الناس مو اللي نحسه، وكل هذا باسم التواصل وهو بالحقيقة ابعد شي عن التواصل، عالم صاخب بس فاضي، مليان صور بس بلا ارواح، وكل ما اغوص فيه احس نفسي اضيع اكثر، ولهذا اكرهه بصدق حتى لو اضطر استخدمه لاني عايش بزمن اذا ما كنت فيه يحسبوك مو موجود، نفاق متقن لدرجة صرنا نصدق الكذبة ونشك بالحقيقة ونضحك واحنا من جوه مكسورين وما حد داري ولا حد همه.