نكره القطط نكرههم من قلبي مو كره عادي كره يوجّع ومخلّيني أبان مجنونة قدّام الناس، كل ما نشوف قطّة نحس روحي تنقطع ونبدا نعرق ونترعش وكأني باش نموت، الناس تشوفها كيوت وملونة وانا نشوف فيها كائن مراقبني بعين باردة كأنو فاهمني اكثر من اللازم، واسوء شي لما يضحكو عليّ ويقولو بنت وتخاف من بسّة ويصغّرولي الرعب اللي عايشيتو، ما يعرفوش انو الخوف مو اختيار وانو عقلي يعلّق فجأة ويفتح ذكريات ما نحبش نرجعلها، صوت مخالبها على الارض يخبط براسي اكتر من اي صراخ، ريحتها تخنقني حتى لو كانت نظيفة، عيونها تخلّيني نحس اني مكشوفة وضعيفة، مرّات نفيق من النوم متخبّطة على كوابيس فيها قطط طالعة من كل مكان والناس واقفة تتفرّج وتضحك، وانا قدّامهم مكسّرة وما نجمش نتحرّك، صرت نبدّل طريق مشيّي ونغلق شبابيك ونرفض ندخل بيوت فيها قطط حتى لو قالولي اني مبالغة ومريضة، الحقيقة انو الخوف هذا سرّ ثقيل وما نحبش نحكيه لانهم دايمًا يقلّلو منو ويحوّلوه نكتة، يمكن اللي جارح اكتر انو ما نلقى حتى تعاطف بسيط وكأنو لازم نحب كل شي لطيف غصب، بس لا، انا نخاف وخوفي حقيقي مهما كان سخيف بنظرهم، وخوفي هذا علّمني قدّاش الناس ترحم غير لما الخوف يكون مفهوم ومقبول عندهم والباقي عادي يكسّروه ويضحكو عليه كأنو ما يعنيهمش.