بصراحة انا حياتي خربتها فوبيا الصراصير مش بس بخاف منها لا انا اتقرفت من فكرة الاكل نفسها صار مخي يعمل سيناريوهات قذرة لحالو مجرد ما يخطر ببالي ثانيتين انو ممكن صرصور مر من جنب الطبق او لمس الكيس او مشي عالطاوله خلاص معدتي تسكر وكرامتي كأنها تنهان وبرمي الاكل حتى لو كنت ميته جوع وصاروا الناس يشوفوني مدلل وقرفان وناكر نعمة بس ولا واحد فيهم حاسس بالاشي اللي بصير براسي انا بشوف الصرصور مش حشرة انا بشوفه رمز للقذارة للاختراق للاشي اللي ما بينشاف وبيدخل حياتك بدون اذن صرت اشم الاكل قبل ما اكله وبقلب الطبق وبراقب كل حبة رز وكأني محقق جنائي واذا حسيت بشي غريب ولو وهمي بخرب يومي كامل مرة اشتريت اكل غالي وتعبت عحالي فيه وبس سمعت صوت خفيف بالمطبخ مش متأكد شو هو تخيلت صرصور وقفز براسي فيلم كامل عن ارجل صغيرة لمست الاكل وكيف ممكن اني ابلعها بالغلط رميت الاكل وبكيت لحالي من القهر وصرت اكره الدعوات والبيوت والاكل الجاهز وكل شي مش انا مسيطر عليه وصرت اتخانق مع اهلي عالفاضي لاني ارفض اكلهم وهم مفكريني بقرف منهم شخصيا وانا من جواتي حاسس بذنب وخجل بس الخوف اقوى مني مرات بحس حالي مجنون لانو الصرصور اصلا كائن ضعيف بس بالنسبة الي اقوى من الجوع ومن العقل ومن المنطق ومن كلام الناس كله وبعيش يومي على اعصابي وبنام وانا متخيل سيناريوهات وسخه وبصحى وانا شايف الاكل كانه تهديد مش نعمة وصرت اتمنى بس اعيش يوم واحد طبيعي بدون ما فكرة صرصور قذر تخرب علي لقمة عيشي وتخليني اكره الاكل والحياة مع بعض وغالبا بكتب هالكلام وانا جعان بس راضي بالجوع ولا اواجه الفكرة اللي براسي لانو القرف عندي صار اقسى من اي وجع تاني وغالبا ما حد رح يفهم قديش الموضوع جارح لما الناس تضحك وتستهزئ وانت من جواتك بتحارب شي خفي مخليك تكره ابسط حق انساني وهو الاكل