أنا متزوجه و بتواصل مع شب تاني
مش حب ولا خيانة
الشب هاد اصغر مني ب ست سنوات
بعرفه من زمااان
علاقتنا صداقة على أخوة
عزيز علي جداً وأنا نفس الشي
ما عنا تجاوزات .. لو التقي فيه على الفجر بكون لقاء أخوي جدا وكله ضحك ومزح
الفكرة اني تزوجت و قطعت التواصل معه عشان اراعي مشاعر زوجي
لما حملت صار ٢٤ ساعه ببالي / حاسه حالي بتوحم عليه بمعنى الكلمه
نزلت على الاردن بس عشان اشوفه حطيت ألف دولار تذاكر و١٣ ساعة سفر بس عشان اشوفه وما شفت أهلي قد ما شفته
وكالعاده قعده ساعتين او اكثر وكلها ضحك ومزح
بلاقي فيه اشي ما لقيته في أي حدا ثاني بفهمني و بعرف يواسيني و ينصحني
كسرنا قاعدة انه ما في صداقة بين شب و بنت
هو حتى لما اقطعه بظل يبعثلي وما بوخذ الموضوع شخصي وفاهمني
اخر مرة سنيتن كاملات ما عرف عني اشي و ظل يلف لحتى يوصل الي حتى ما كنت حاكيتله اني بدي اتزوج
مش عارفه اقطع علاقتي فيه خصوصا مع هرموناتي حالياً
بنفس الوقت ما بنفع وانا متزوجة ولو احط حالي مكان زوجي ما رح أتقبل
شو اسوي نفسيتي زفت لأني مش من النوع الخاين او المتلاعب