أنا كنضحك مع الناس ونقول ليهم راني بخير، ولكن داخلي عامر بالخوف من الغد بطريقة ماشي طبيعية، كنخاف نفيق نلقى كلشي تبدل، الخدمة مشات، صحابي بعدو، العائلة ولات كتقارنني بغيري، وأنا باقي حابس فبلاصة وحدة، كاينين نهارات كنحسد حتى الناس اللي كيبانو عاديين، غير حيث عندهم هدوء بسيط ما عنديش، وكنكره ملي شي واحد يقولي الرزق غادي يجي، حيت هاد الكلام كيبان زوين فالفم ولكن فبال الليل ملي كتكون بوحدك كتسمع صوت الكراء والدين والمسؤولية، ما كيبقاش زوين نهائيا، كيولي بحال حجر فوق الصدر.