أنا بخجل أقول إني أحياناً بحس إني مش بحب أمي بالطريقة اللي الناس بتحكي عنها، بحترمها وبخاف عليها وبعمل واجبي، بس في داخلي في زعل قديم منها، من كلامها، من مقارناتها، من لحظات كانت محتاجة تحتويّني فيها واختارت تكسرني عشان “تربيني”، وكل ما تكبر بالعمر بحس الذنب ياكلني لأني لازم أحن وأصفى، بس الذاكرة مش زر، ما بقدر أمسح الجمل اللي علقت براسي، وبصير أتصرف ببرود وبعدين أندم، وأنا عارف إنو الناس لو تسمعني بتحكم عليّ فوراً، بس في مشاعر ما بتنقال بالعزايم ولا قدام القرايب.