بخاف من الناس بشكل يضحك وبنفس الوقت يوجع، يعني ممكن اكون قاعد مع ناس عاديين وما في ولا شي بيخوف، بس جسمي يتصرف كأنه في خطر حقيقي، قلبي يدق بسرعة، ايدي تبرد، صوتي يعلق، ودماغي يقعد يحلل كل نظرة وكل حركة وكل كلمة، لو حدا ضحك بحس يمكن علي، لو حدا سكت بحس يمكن زعلان مني، لو حدا سألني سؤال بسيط بحس انه امتحان ولازم اجاوب صح عشان ما يكتشفوا اني مرتبك من جوّا، المشكلة اني قدام الناس بطلع طبيعي ويمكن حتى اجتماعي، بس بعد كل قعدة برجع البيت منهك كأني كنت بحرب، بقعد اراجع كل جملة حكيتها وكل تصرف عملته وبكره نفسي على اشياء تافهة، مرات بتمنى لو كان في زر يطفي الوعي الزايد عندي، لاني تعبت اعيش كأني مراقب طول الوقت حتى وانا عارف انه محدش مركز معي.