اعترف إني ندمت على طيبتي مو لأن الطيبة غلط، بس لأنّي وزعتها على ناس كانوا يشوفونها ضعف مو أصل، في ناس دخلوا حياتي من باب الحاجة وطلعوا من باب الجحود، أخذوا وقتي وقلبي واهتمامي ولما خلصت مصلحتهم صاروا يتكلمون عني كأني ما سويت لهم شي، أكثر شي يقهرني مو إنهم راحوا،

يقهرني إني كنت أحس من البداية إن في شي غلط بس كذبت إحساسي عشان ما أظلمهم، المشكلة إني لما أتغير يقولون تغيرت، لما أسكت يقولون تكبر، لما أحط حدود يقولون ما عاد مثل أول، طيب أول كنت أتنازل زيادة عن اللزوم، أول كنت أعتذر حتى وأنا موجوع، أول كنت أخاف أخسر ناس ما خافوا يخسروني،

والحين أنا بس أحاول أرجع نفسي من تحت أقدام علاقات استنزفتني.