أكثر شي يخوفني مو الفشل نفسه، يخوفني أعيش عمر كامل وأنا مأجل حياتي، أقول بعدين أرتاح، بعدين أفرح، بعدين أسافر، بعدين أحب نفسي، بعدين أبدأ، وبعدين أكتشف إن “بعدين” أكلت كل الأيام، في ناس حوالينا تقيسنا بالراتب والبيت والمكانة، وأنا مرات أصدقهم وأنسى أسأل نفسي هل أنا مرتاح أصلاً، هل الطريق اللي أمشيه طريقي ولا طريق اختاروه لي عشان يرضون، تعبت من سباق ما أعرف خط نهايته، كل ما أوصل لشي يطلع شي أكبر، وكل ما أفرح بإنجاز أحس لازم أخبيه عشان لا يقولون قليل، ودي أعيش حياة عادية بس بضمير مرتاح، ودي أصحى يوم وما أحس إني متأخر عن ناس ما يشبهوني ولا أعرف حقيقتهم.