ساعات بحس إني ضعيف بطريقة ما تنشاف، مش الضعف اللي يخليك تنهار قدام الناس، لا، ضعف أوسخ، ضعف إنك تفضل واقف وانت مكسور، ترد على الناس بصوت طبيعي وانت جواك مش طبيعي، تعمل شغلك، تضحك، تطمن غيرك، وتلبس دور الشخص المتماسك لحد ما تصدقهم إنك متماسك فعلًا، وبعدين أول ما تقعد لوحدك تحس جسمك كله وقع مرة وحدة، أنا تعبت من كوني الشخص اللي “بيعرف يتصرف”، عشان هيك ما حد بيخاف علي، ما حد بيسألني بجد، الكل مفترض إني بلاقي حل، وإني بطلع من أي أزمة، وإني قوي كفاية، بس ما حدا بيعرف إن القوة لما تصير واجب بتخنق، أنا كمان بدي مرة أكون محتاج وما أحس بالخجل، بدي أقول مش قادر بدون ما حدا ينصحني فورًا أو يقلل مني أو يحول وجعي لمحاضرة، بدي حدا يفهم إن الإنسان ممكن يكون واعي ومكسور بنفس الوقت، ممكن يعرف كل الحلول وما عنده طاقة يطبق ولا واحد، وممكن يكون دايمًا واقف بس مو معناته ما بده حدا يسنده.