انا عندي خوف من المرض بشكل ما بقدر اشرحه للناس بدون ما يطلع شكلي مبالغ، اي وجع بسيط بجسمي بيفتح براسي مليون احتمال، لو قلبي دق بسرعة بخاف، لو راسي وجعني بخاف، لو حسيت بتعب يومين بصير افكر بالاسوء، وبنفس الوقت بخاف اروح افحص عشان ما اسمع شي يقلب حياتي، يعني بضل عالق بين خوفين، خوف المعرفة وخوف الجهل، والناس بتحكيلي لا توسوس، اشغل حالك، الموضوع بسيط، بس هم ما بعرفوا كيف الوسوسة بتاكل اليوم من اوله لاخره، بتخليك تراقب نفسك كأنك مراقب شخص غريب، دقات القلب، النفس، لون الوجه، النوم، الشهية، اي تفصيلة بتتحول لدليل، والمصيبة اني لما افتح النت عشان اطمن بصير اسوأ، بدخل ادور على عرض صغير بطلعلي الف مرض وبطلع من البحث ميت وانا عايش، مرات بحسد الناس اللي بتتعب وبتنام وبس، اما انا بتعب وبخاف من التعب وبخاف من خوفي وبزعل من حالي وبصير احس اني عم بضيع عمري وانا بحاول اتأكد اني لسا عايش، وفعليا انا مش عايش، انا براقب الحياة من بعيد.