اكثر اشي بيكسرني اني صرت اشك بحالي اكثر من اللازم، زمان كنت لما احس اني انظلمت اصدق احساسي، هسا بصير اسأل نفسي يمكن انا حساس؟ يمكن انا فهمت غلط؟ يمكن انا اللي صعب؟ يمكن انا ما بعرف اتعامل مع الناس؟ صرت ارجع كل موقف ضدي حتى لو انا المتأذي، وهذا الشي متعب جدا، لانو الواحد لما يخسر ثقته بالناس بقدر يبعد عنهم، بس لما يخسر ثقته بنفسه وين يروح؟ كل قرار بصير جبل، كل كلمة بدي احكيها بصير قبلها الف حساب، اخاف ازعل حدا، اخاف ابين ضعيف، اخاف اطلب حقي فيحكوا عني نكدي، اخاف اسكت فأنقهر، واخاف احكي فأتندم، يمكن اكثر اشي مؤلم انك تكون عارف ان فيك خير بس مش قادر تشوف حالك بوضوح من كثر ما ناس شككوك بنفسك، كأنهم دخلوا جواتك وتركوا صوتهم هناك، وكل ما بدك توقف مع حالك يطلع الصوت يحكي لك انت المشكلة، انت بتكبرها، انت ما بتستاهل كل هالاهتمام.