في اعتراف يمكن يبين قاسي شوي، بس انا احيانا بحسد الناس اللي بتعرف تبكي، اللي لما تنكسر بتنهار وبتطلع اللي جواها، اما انا دموعي صارت ثقيلة، بحس في شي واقف بصدري بس ما بينزل، بضل مخنوق ومتوتر ومعصب ومرهق، بس ما بقدر ابكي، كأني تعودت اكتم لدرجة جسمي نسي الطريقة، الناس بتفكر اللي ما ببكي قوي، بس انا شايف انو اللي ما ببكي بيتعب اكثر، لانو الحزن بضل يدور جواه بلا مخرج، يتحول لعصبية، لصداع، لنوم كثير او قلة نوم، لرغبة بالاختفاء، وبالاخر بتلاقي حالك زعلان من اشياء بسيطة بس الحقيقة انك زعلان من كل شي دفعة وحدة، اتمنى مرة اكون قادر اقول انا موجوع بدون ما احس بالعار، اتمنى احضن نفسي بدل ما اجلدها، اتمنى افهم ان الضعف مش فضيحة، وان الانسان مش مطلوب منه يكون جبل طول الوقت، حتى الجبل لو ظل عليه ضغط سنين بيتشقق.