عندي فوبيا من الصور، مو لأني ما أحب شكلي وبس، الموضوع أعمق من كذا، كل ما أحد يقول تعال نصور أحس كأني بنحبس بلحظة ما أبغاها تثبت، أخاف أشوف وجهي وأحس إني كبرت وأنا ما انتبهت، أخاف ألمح بعيني تعب ما قدرت أخفيه، أخاف الصورة تطلع وتوريني شخص أنا ما أعرفه، الناس تشوف صورة وتقول حلوة أو عادية، وأنا أشوف تاريخ كامل، أشوف كم مرة ابتسمت وأنا مش بخير، كم مرة لبست مرتب وأنا داخلي فوضى، كم مرة كنت وسط ناس وأحس وحيد، يمكن عشان كذا صرت أتهرب من الكاميرا، أوقف ورا، أمسك الجوال، أقول بعدين، أضحك وأخرب الصورة عشان محد ياخذها بجدية، بس الحقيقة إني أخاف من التوثيق، أخاف بعد سنين أشوف صورة وأتذكر إني كنت أعيش مرحلة كاملة وأنا مو حاضر فيها، أخاف أكتشف إن العمر كان يمشي وأنا مأجل نفسي، حتى المرايا صارت أحيانًا تزعجني، مش لأنها قاسية، لأنها صريحة زيادة، تخليني أشوف التعب اللي ما يبان بالكلام، وتخليني أسأل نفسي وين راحت النسخة الخفيفة اللي كانت تضحك من قلبها، أكثر شي يقهر إن الناس تحسب الموضوع غرور أو دلع، محد يعرف إن في ناس تخاف من الصورة لأنها ما تخاف من الشكل، تخاف من الحقيقة اللي تطلع من العيون، وأنا أحاول أتعلم إني ما أهرب من وجهي، لأنه مهما كان متعب، هذا وجهي اللي صبر معي بكل المراحل وما يستاهل أتعامل معه كأنه عدو.